LIGI YA PREMIER TANZANIA BARA LEO AZAM YAPAA NAFASI MOJA ZAIDI

 Ligi kuu ya soka Tanzania bara Imeendelea tena hii leo kwa michezo mitatu kuchezwa katika viwanja vitatu tofauti.
Katika  uwanja wa Manungu Mtibwa sugar  wamefanikiwa kuichapa JKT Ruvu kwa bao 1-0 matokeo ambayo yameifanya Mtibwa kufikisha jumla ya alama 19.

Matokeo haya wametengeneza tofauti ya alama 7  na kinara wa ligi hiyo Yanga yenye alama 26  na kuifanya Mtibwa kuwa ni miongoni mwa timu tano katika ligi kuu zenye nia   katika mbio za ubingwa.
Azam FC  wakicheza dhidi ya JKT Oljoro mchezo uliofanyika katika uwanja wa Azam Complex ambapo Azam imefanikiwa kuichapa Oljoro kwa bao 1-0 bao la Kipre Tcheche.

Nayo Coast wakiwa katika dimba la Mkwakwani mkoani Tanga wamefanikiwa kuichapa Polisi Morogoro kwa bao 1-0 matokeo ambayo yameifanya timu hiyo kujiweka katika nafasi ya nne katika msimamo wa ligi baada ya kufikisha alama 22 alama ambazo zinaifanya timu hiyo kuwa vizuri katika msimamo wa ligi ikiwa imezidiwa alama nne na Yanga wanaongoza ligi hiyo.