KUTOKA 2 BILA HADI TATU MBILI

YANGA SC leo imetoka nyuma kwa mabao 2-0 na kushinda 3-2 dhidi ya Ruvu Shooting katika mchezo wa Ligi Kuu ya Vodacom Tanzania Bara uliofanyika Uwanja wa Taifa, Dar es Salaam.

Ushindi huo, unaifanya Yanga itemize pointi 14, baada ya kucheza mechi nane, hivyo kujiweka sawa katika nafasi ya tatu, ikizidwa pointi tatu na Azam inayoshika nafasi ya pili na pointi nne na Simba inayoongoza ligi hiyo.

Hadi mapumziko timu hizo zilikuwa zimekwishafungana mabao 2-2, Ruvu Shooting wakitangulia na baadaye Yanga kusawazisha.

Mabao ya Ruvu yalifungwa na mshambuliaji Seif Abdallah dakika ya tatu na lingine dakika ya 10, yote kutokana na mipira kutoka upande wa kulia mwa Uwanja, la kwanza mpira wa adhabu na la pili krosi.

Rashid Gumbo aliangushwa nje kidogo ya eneo la hatari na Mbuyu Twite akaenda kupiga mpira wa adhabu uliotinga moja kwa moja nyavuni dakika ya 20 na haraka haraka Jerry Tegete akauchukua mpira kwenye nyavu za Ruvu na kwenda kuuweka katikati.

Jeryson Tegete akishangilia bao alilofunga

pallanyor.blogpcha

Hilo lilikuwa bao la pili Twite anaifungia Yanga kwenye ligi, ndani ya mechi nane alizocheza.

Kipindi cha pili Yanga walirudi na kasi tena na kufanikiwa kupata bao la ushindi dakika ya 65, ambalo lilifungwa na Kavumbangu.

Katika mchezo mwingine wa ligi hiyo kwenye Uwanja wa Mkwakwani, Tanga, Coastal Union iliifunga Mtibwa Sugar mabao 3-1 mabao ya Juma Jabu, Daniel Lyanga na Lameck Dayton, la Mtibwa lilifungwa na Shaaban Nditi.