SIMBA NA YANGA KWA MFUMO MLIONAO LABDA NABII ISAH(YESU) AREJEE NDIO MTAWEZA FANIKIWA !

Habari Leo wasomaji wangu wa K-sport.com leo nimeona tuzungumzie uendeshwaji wa vilabu viwili vikongwe hapa nchini simba na yanga mbavyo Huwa haviishi migogoro kila kukicha ,jambo kuu moja la kutazama leo hii ni kutaka kuangilia nini cha kufanya ili klabu hizi mbili ziondokane na migogoro isiyokwisha kila siku .

Moja kati ya jambo kubwa na la msingi ni kubadili aina ya uendeshaji wa vilabu hivi ambavyo kwa muda mrefu vimekuwa vikitumia mfumo wa wanachama katika kuendesha klabu hizi lakini jambo moja la msingi ambalo nataka kuwaeleza mashabiki na viongozi wa vilabu kama wataendelea na utaratibu wa sasa kamwe hawataendelea mpaka nabii isah (Yesu) atakaporejea tena kuhumu vilabu ambavyo vimepoteza muda wao wa kuishi dunia pasipo kufanya maendeleo ya kimsingi .

Je ni mfumo gani ambao vilabu hivi vinahitaji kutumia kiundeshaji vilabu lazima kutumia mfumo wa hisa kama baadhi ya vilabu au makampuni makubwa yanavyofanya sehemu mbalimbali duniani ikwemo bara la afrika Yanga na Simba zinawachama wengi ambao hata kama mfumo ukibadilishwa  wataweza kuhimili kwa kugawanya kwa makundi tofauti ya bei za hisa kwa mfano kuweka viwango vya hisa kuanzia , milioni moja, laki moja, Elfu hamsini ,Elfu thelathini ,Elfu ishilini elfu kumi na ,Elfu tano

 kuwa kiwango cha mwisho na kila kiwango kiwe na asilimia ya uwakilishi katika bodi na  kwa muda mfupi unaweza kupata mamiliano ya shilingi na kupata ya kuwalipa kwanza waaanzilishi wa vilabu .

Kwa utaratibu simba na yanga itakuwa na uwezo wa kwenda kukopa Benki na kujenga kiwanja na maduka ya kisasa ambapo wanachama wenye hisa zao watakuwa Mdhamana wa klabu hiyo kwa kiasi kikubwa cha pesa walichopata kwa utaratibu wa hisa na itakuwa rahisi kudhaminika katika mabenki na kupata fedha za kujenga viwanja na maboresho kadhaa kwa pesa za wanahisa klabu itapata fedha za kulipa wachezaji wake wahudumu wa kila siku wa klabu na mahitaji ya klabu kwa ujumla na kuanza kusimamisha vyanzo sahihi vya uuzaji bidhaa zinazohusiana na nembo ya timu husika kuweka viwango vya ununuaji hisa kwa kutazama viwango vya pesa hii itakuwa jambo la msingi kwa kila mtu kutokana na hari yake ya kiuwezo .

Ukitazama mfano wa klabu ndogo ya Azam ambayo inaleta mapinduzi ambayo kwa sasa inamilikiwa na kampuni ya uzalishaji vyakula ya Bakhresa ni wazi uongozi wa klabu wanaufahamu kuwa unakwenda mbali zaidi kutazama nini mahitajitaji ya klabu kwa sasa jambo kuu ni kuwa uongozi wa vilabu hiki unaelewa nini klabu inataka tofauti na Simba na yanga ambavyo bila kulumbana havisikiii raha hatakidogo .

Na wapo baaadhi ya viongozi kwenye vilabu ambayo hawajui hata sheria za soka achana na kuuchezaa mpira wenyewe sheria za hawazijui labda kucheza Criket ndiko wanakoweza viongozi wengine huleta siasa mpirani kugombana na wanachama kila kukicha klabu inayogombana na wanachama kila kukicha haiwezi kufikiria maendeleo ya soka kama ujenzi wa viwanja na maendeleo ya klabu viongozi wa vilabu hivi hufukiria kununua wachezaji kwa pesa nyingi na wachezaji wenyewe wakati mwingine hawana hata viwango vya kimataifa vya kucheza soka kabisa .

Ili simba na yanga zifanikiwe hazina budi kufuata mfumo mpya wa soka wa uendeshaji kimataifa ambao unatumika hasa katika Nyanja za kimataifa kwani kwa mfumo ambao wanatumia sasa unawapa nafasi baadhi ya matajiri ambao lengo lao ni kutaka kukwepa kodi kufanya biashara haramu na kutaka kuiibia serikali katika mapato na kutaka kujenga vitu ambavyo hazina msaaada kwa klabu na kujinufaisha watu binafsi ni aibu kuona klabu kama simba au yanga haina uwanja wake binafsi hii ni aibu tena fedheha ya aina yake ningekuwa mimi ndio kiongozi wa klabu kama hii nisingegombea uongozi wa klabu kama hii kwani ni aibu kubwa na fedheha isiyopimika .

Ni sawasawa na  kujenga shule ambayo haina wanafunzi walimu wala vitabu.