SIMBA YAJIPOZA SUPER 8

Timu ya SIMBA ya Dar es salaam  imepata ushindi  katika michuano ya BancABC Sup8r kwenye Uwanja wa Ushirika mjini Moshi, baada ya kuifunga Mtende Rangers  FC ya Zanzibar mabao 2-0.

timu hiyo  ililazimishwa sare ya 1-1 na Jamhuri ya Zanzibar katiaka mechi ya kwanza , magoli ya simba   yalifungwa na Christopher Edward dakika ya 11 na 26 kwa penalti.

Mtende ilimaliza mechi hiyo  pungufu mechi hiyo, baada ya Rajab Mzee kutolewa nje kwa kadi nyekundu  kwa kumtolea lugha chafu refa wa kike, Judith Gamba.

Simba inatumia kikosi chake cha pili kwenye mashindano haya, ambacho kipo chini ya kocha Suleiman Abdallah Matola, Nahodha wa zamani wa Simba SC.

Katika mechi  nyingine iliyofanyika kwenye Uwanja wa Chamazi, wenyeji Azam wamefungwa mabao 2-0 dhidi ya  Mtibwa Sugar ya Morogoro.

Magoli  ya Mtibwa yalipatikana kipindi cha pili, wafungaji  ni Shaaban Kisiga  na Hussein Javu.

Mtibwa iliifunga Polisi Moro 2-0 kwenye mchezo wa kwanza, sasa inaongoza kundi hilo kwa Alama  sita, ikifuatiwa na Azam yenye Alama  tatu, ambayo katika mechi  ya kwanza, iliifunga Super Falcon 2-0.