Mark Huges KAMA DI MATEO JE NANI ATAWAFUATA ?

 

Kocha wa QPR, ambayo kwa sasa iko mkiani kwenye msimamo  wa ligi kuu ya Premier ya Uingereza  Mark Hughes amefukuzwa  kazi.

Kwa mujibu wa ripoti kutoka kwa bodi ya wakurugenzi wa klabu hiyo,

 kocha huyo amefukuzwa kazi kutokana na matokeo mabaya tangu kuanza kwa msimu huu.

Baada ya mechi 12 kuchezwa QPR haijashinda hata mechi moja.
Taarifa hiyo imesema kuwa, bodi hiyo inajadili mipango ya kutangaza wasimamizi wapya wa klabu hiyo muda mfupi ujao.

Mark Bowen na Eddie Niedzwiecki watasimamia klabu hiyo wakati wa mechi ya ya kesho Jumamosi dhidi ya Manchester United katika uwanja wa Old Trafford.

''Bodi ya wakurugenzi ingependa kutoa shukrani kwa Mark, kutokana na juhudi zake wakati akiwa kocha wa klabu hiyo kwa muda wa miezi kumi iliyopita'' taarifa hiyo iliongeza.

Wakurugenzi hao wamesema watatangaza mipango mipya ya klabu hiyo muda mfupi ujao na aliyekuwa kocha wa Tottenham Harry Redknapp anatarajiwa na wengi kuteuliwa kuwa kocha mpya wa QPR.